قصيدة أول حدود القلب الشاعر / طاهر البرنبالى

جايه عينيكي م السفر أفراح..
يا بسمة الغزلان
و انا كنت باستنظرك يا ضي بكره..
و اللي ماجاش امبارح
فارد غناوي الصبح ع الوش البشوش
يمكن أحوش..
سيل النزيف الجي م الجرح القديم..
يتصلب عودي
أجري لشط النهار البكر جواكي..
أخسر حزام البحر و الغربه
أرتاح لمين النهارده ؟..
مالناش شبيه !!..
أول حدود القلب موالك..
آخر حدود الصعب موالي
مرفوع علينا م السيوف ألوفات..
مين اللي يقدر يشوف ؟..
يوصل ما بين الدم و خدود البنات
يفصل ما بين عار الهزيمه..
و اختيار المر