بس الجدير بالذكر إن الفكر مشغولبك
والقلب مهما ارتحل
بيلف ويحبك
وبيخدع الأوهام
اللى اسمها فرقة
ويجيب آلاف أحلام
ويكونوا فرقة
وتكون بروفاتهم
على حضن شوق فاتهم
والعرض متأجل
أصل الديكور بهتان
قلب البطل سبِّل
قلب الفيديت سهتان
ولا ألف واحد قدر
غيرى يكون الجان
سكسيه كما البركان
بيهز مسرحنا
واحنا كما إحنا
لاندمنا ع الفايت
ولا قلنا ياريتنا
نزلت ستارتنا
استوب كادر لقلب
ف التانى متشبك
أصل الجدير بالذكر
الفكر
مشغولبك
